22 Dis, Kota Kinabalu; Presiden Cash abis kana karoyok dalam dua minggu ani, sampai sampai tia baanti dai Cash. Presiden KEDAYAN pun inda baapa satuju gayanya malihat ulah Cash sakali ani.
Caitanya macamani. Cash minta siapa siapa yang kan ngomplin masti mbaai RM10 inggit aahnya. Jadi samuha dangan inda baapa iski pasal macam inda patut apa yang dibuatnya.
KOL sependapat jan KEDAYAN mun pasal Cash ani. Mun dipike akan pun oang yang kan ngomplin tu bananya sudah kasusahan baitu. Mun pasal iski, inda ada dangan saja saja kan ngomplin.
Kadua, kaaja yang dibuat oleh Cash pun bukan payah bana. Apa yang kana komplin, samuhanya di passing akan ka Kementerian hal ehwal pangguna. KOL pun dapat mbuat mun macam atu nganya.
Katiga, Cash tu mun inda salah badan sukarela nganya. Patut basia balaja dai CAP- Persatuan Pengguna Pulau Pinang, yang kana galati sampai ka Luar Negara pasal ia ngusaha bilang buting komplin usai usai.
No comments:
Post a Comment