Selamat Menyambut Hari Ibu

13 Mei, Labuan - Seorang pembaca mengirimkan artikel ini kepada kita sempena menyambut Perayaan Hari Ibu pada 13 hb Mei yang lepas. Beliau menegskan bahawa surat ini bukan untuk mengutuk siapa siapa, tapi sekadar untuk memberikan KOL satu “Artikel Tema” yang bersesuaian sempena Hari Ibu

BILA KALI YANG PALING LAST KAU MULIH malihat liaumu? Kalamaii? Saminggu? Sebulan? Satahun? 

INGAT KAU Aii kita makan  di paya mulanya?. Siuk kan. Mama jan bapa aii atu bapadi, kita bamain di junjung. Bahata mama sikapnya basia tauh aah upih. Aku pun inda ku tahu ngapaa ya aah upih atu kian , tapi masa atu atu tia nganya paling baik aasanya mun makan. 

Main tiup  tiupan daii batang padi. Ambil batang padi kia kia-sabuku. Lapas tu kaat dikit hujungnya  aah batang siing buku  taoi manimpus gayanya, kan jadi lidahnya mbaii baabunyi.. Lapas tu tiup tia. Baik bunyinya tu. 

Dai junjung ani tah kita bajalan batis ke sikulah. Inda bakasut inda basitukin. Basalipaa lapik lapik atu pun dibincang pasal mun aii tanah liit inda dapat diapakai. Lakat aah tanah kuning. Jambil warna hijau. Kala kala kana baii 10 sen kala ala inda payah. Sampai ka  sikulah kana suuh mapat umput, nyabut umput dahulu. Atu tah mun ka sulilah kana suuh mbawa maang. Apahal laa cigu nyuuh mbawa maang ka sikulah. 

Tapi tahu ku, kau andang pandai. Hagut dapat lombo satu di sikulah.. Sakali lapas atu kau ka sikulah menangah sudah. Payah liaumu mbalanjai, walaupun kau dapat scholarship tapi kala kala ada ua kakal tu tambus minta usin. 

Baapa gaji mu kaangani liau? Ku dangaa dangaa RM8,000.00 labih sabulan. Tapi jangan kau maah ah aku kan baibun nganya ni. Aku di kampung ani mun aii musim duyan ada jua la luih pabalasan iibu. Tapi status tu kau labih tinggi laa. 

Ada sawang kawanku yang bacaita. Gajinya adalah jua RM7,000 sebulan. RM1,700 pambaainya umah, RM3,500 kan pambaainya kaita…potongan potongan diopis RM1,500. Kredit kat RM500, jadi RM200 lagi ia minta aah bininya bilang bulan..

Bapike ku, apa gayanya kan malihaa indungnya yang sudah tuuha? Salah pakah tu yah liau. Pasal mulanya aii bapadi inda jua liau kita njual abis padinya. Atu tah yang basia mbuat duung tu. Gunanya kan diambie sepanjang tahun mun aii kan makan. Tapi kawanku tu macam inda baduung tu liau. Jaan kau mbuat macam atu ihh.

 Tapi aku tahu, kau baik kan indungmu… kau mimang anak yang baik. Tapi kau batah sudah inda. Jadi sempena Hari ibu ani..mulih tah ka kampung. Lawat mamu….

KOL

END

Copyright © 2000 PAADIANinc. Send mail to PAADIANinc with questions or comments about this web site.