23 September. Kali ani Mandau ingin mbincangkan isu perkhidmatan pejabat pos di Sipitang. Dari musim ku kakal sikulah sampai tia kaangani, yang ku lihat kakal jua van miah buok ampai ampai di dapan pajabat tu. Hantap jua batah kamu nauh. Sudah tah macam atu, suat suat ka kampung kakal jua ba taoh di pajabat, inda tia kamu kan mbaiki rangkaian perkhidmatan yang sedia ada.
Lagi sabuting mun mbaai bil kata lah RM38.26 sin mun mbaai, 4 sin tu jaan tia ditunggu mulihnya.Ani tabiat ni, tamasuk tia di Beaufort . Eh mun satahun macam atu baibu jua tu ulih kamu!.
Ingat lagi masalah bas Intrakota dulu di KL. 10 sen labih tambang yang inda mulih, sabulan RM180,000 ulih basia!.
Sadiakan tia usin pacah bah, dai kami dua tiga sin tu damit, tapi kakal jua usin tu.
Sabuting lagi- ada banner yang kao gantung di pajabat tu, "anak tanpa komputer adalah anak tanpa masa depan". hantap jua inda baakal kamu?. mun kan nyuuh dangan mbali komputer pun, jaan tah mbai sakit hati dangan.
Mun kan dikia, mbali komputer makai EPF tu lagi nguangkan masa dapan, pasal cuba kia, RM3500 X 6.8 X 25 tahun ditauh( kuang RM10,500 ai naima kandila, jika dikira dari kaedah cummulative compounding ).
Pendek caita cadangan mandau ialah:
1) Tambahkan kakitangan. Ini kerana kesesakan pejabat yang terjadi kerana pejabat tidak mengambilkira pertambahan penduduk sipitang.
2) Wujudkan semula wakil pos di kawasan seperti kg pantai dll.
3) Staf senior tu gantikan bidang tugas, biar dikaunter tu yang baru lah.
Mandau
No comments:
Post a Comment