Temuramah Si palui dengan Si gup Danhil, PTI dan Aku

Part 1

Prelude:

Batah sudah ku  nda menulis  di dalam KOL. Bukan kerana pasal inda lagi ingin bersama sama KOL tapi kesibukan tugas kala kala payah kan mbahagi masa menyumbang artikel.

Tapi kakal jua ku malihat KOL ni bilang minggu. Bangga jua la, Kol berkembang dengan pesat. Tapi palihatanku dua tiga minggu ani makin batah baahao tia Kol ba update. Haatinya sumbangan atu kuang la baa tu. Sebagai sebahagian sari tenaga pengasas KOL, ani inda dapat di biaa kan. Jadi biaa pun aku sibuk, ani tah kku ngantat artikel pasal temuramah ku jan tiga “oang”. Temuramah ani kubuat pasal alum batah ani ada banyak operasi penguatkuasa termasuklah membentras rokok seludup.

Sipalui: Apa habaa mu gup. Cuba caitakan dikit apa kian siapa yang banaanya kau ani

Si gup:  Damaku yang bananya Daanhil, tapi uja dangan sigup nganya.

Haaga ku mulih pokok di kilang 80 sen nganya, tapi taukeh kompani  kami ngambii untung RM1.40. Lapas tu paintah nganmbii cukai RM2.20 jadi tia haaga kami sabungkus RM4.60

Sipalui: Ehh, apa haatinya kian ni Gup?

Si gup: Payah banaa batutuan jan kao anni. Haatinya jalama yang mbali sigup tu bukan mbaai haaga sigup nganya. tapi mbaii untung kompani  kami sama kaajaan. Cuba kao lihat sigup bilai tu pulang , muah nyanya sababat. Sababat sababat pulang kana buat akan sumpal. Tapi cuba kao lihat, mana ada dangan ba sumpal kan Danhil.

Sipalui: Kia kiaa kau ani popular jua lah…

Si gup: Popular tu inda jua Lui, tapi cuba kau kia, di Malaysia ani ada kuang labih 6 juta yang basigup. Yang besigup Danhil saja kuang labih 2.4 juta oang.

Jadi  usin basia di Malaysia kana pakai kan mbali kami ialah

Sahaii RM11.04 juta,

Sabulan RM331.2 juta,

Satahun RM3.974 bilion.

Atu bahau aku tu , Danhil. Alum lagi paadianku Maaboro, binsin. Wait Hos….

Sipalui:Baapa untung kompani mu tu ahhh?

Si gup: Inda kau mbawa kalkulator kah?

Cuba kia dahulu…..aku congaak saja pun pandai. Satahun kami untung RM1.2 billion

Sipalui: Kaajaan baapa yang basia dapat kian?

Si gup: Dai Danhil saja basiaboleh dapat cukai RM1.9 bilion

Sipalui: Mun samuha kompani baapa tah juakannay tu ahhh….

Sigup: Kita kia tia purata RM 3 sabungkus sigup kali 6 juta baapa satahun tu ahh?

Sipalui: 6.4 billion….ehhh kau ani akukah yang namuramah atau kao

Sigup: Baik tah paintah mbuat kementerian bahau… kementerian sigup.

Banyak kakal yang kan ku tanyaakan aah Si gup ,tapi menyamal tia pulang. Jadi isu akan datang aku kan ngaluaa akan pulang caita pasal tamuramah jaan PTI.

KOL

END

Caita Kina Hailam (jenaka)

Sekadar kan tuut meriahkan laman siengkek. Caita ni mangkali 18SX dikit, tapi yang banaanya inda ku maksudkan macamatu. Tapulang tia aah Webmaster nanti, mun inda sasuai kamu delete pulanggg….

Ani asalnya caita banaa banaa. Tangahku yang bacaita, kajadian ni ada kuang labih tahun awal 50 an lah macamatu di Sipitang. Ada saoang Kina Hailam tinggal di kampung Kadayan. 

Damanya Si Asin. Kaajanya bakampung, ia nganya Kina yang tinggal sama sama oang Kadayan batahun tahun sampai tia mahaati kan tutuang Kadayan. Batutuan Kadayanpun nya pandai, ngany hantap kinanya kakal bunyinya.

Tajuk: CAITA KINA HAILAM

Dai: halimb@tm.net.my

Subject: Ada kina hailam

Sahaai atu tangahku jan kawannya dai kampung lain bajalan tajumpa tia jan Si Asin ani lagaan hantap upanya. Inggang inggang bamaang panabas nggiit buluh. 

Batanya tia tangah “ Dai mana luahmu Sin” 

Languk languk Si Asin njawap, “Haiyaaaa….! Hamput sinalik puki” 

Tangah tahu ya kan tutuan Si Asin, jadi nyambung tia tutuannya, “Baapa kao ka bukit?” 

“atat puki cina ata bulu baaaa” 

Kawan tangahku nda tahu apa haatinya, pikenya Si Asin ni maacak inda usai. 

Sudah mulih bahao tia bakiah paut tatawa.

Last Revision: Feb 27, 2001

Mana Baita pasal YB?

Engkek:

Sangal sudah ku malihat komen bacaita KOL baat subalah. Pasaanku dai mula mula KOL pun sudah ada caita macamani. Yang mbaii hayan tu, mun diminta aah yang ngomen tu inda pulang ada. Macam jua kami kan nyiarakan.

Kami bukan ada pemberita, repoter.

Atu tah yang kami guna responden. Mana yang diantat olih responden atu yang kami siarkan. Mun inda ada, inda ada lah. Responden tu mun kamu kan tahu haatinya, wakil bah tu. Wakil bah. Mun ada baita, cuba antat, kana siar kah inda. Mun kana siar haatinya inda baat subalah. Mun inda , baat tia ti, singit.

Sipalui:

Sudah tujuh bulan, mana ada baita, gambaa kah yang diantat olih uang uang YB kah, penyukung YB kah, YB sandii kah…

Antat bah, antat. Kami siar akan ni pree bah ni, paacuma.

Paacuma tu haatinya inda payah mbaii. Baapa lambaa saja mun ada. Mun inda cukup, luan banyak baita tu inda tamuat kita siwa lagi server lain (minta tulung laa ah YB sponsoo, bukan banyak tiga aatus labih satahun) Jaan batutuan nganya. Atau pasaanku sawang nganya umpun isu bah ni. Sawang, jadi langau bacaita inda tantu, ngacau dangan.

Mun inda ada kami taima sampai hujung bulan ani, tandanya andang tah uang yang batutuan tu yang singit, baat subalah, bukan KOL.

 KOL

 END

SI PALUI TAAHIT BIBIE (jenaka)

11 Julai 2001-- Caitanya: Ada sakali tu Si Engkek jan Si Palui mahaga makan. Sudah mulih basia kana bahatai sabungkus sawang sagala Pinyaam, Wajit jan Kalupis. Biasa tah Si Engkek ni pintaa, pambuyuk lagi. Mancahai tia jalan apa gayanya kan ngana akan Si Palui. 

Dipadah akannya tia aah Si Palui macamani “Palui O Palui, mao kao kan bajumpa puteri?” 

“Mao” uja Si Palui “…. Tapi apa gayanya?” 

“Macamani”, uja Si Engkek. 

“Ngail kita aah kuimbing, ada tu kaang puteri bongsu dai sungai mandi, bakamban. Kita umpan umpani ya makanan ulih kita ani pasal ia iski makan makanan ani” 

“Jadi apa gaya kita bajumpa?”, tanya Si Palui yang tuyu ani. 

From: halimb@tm.net.my

Category: Category 1

Remote Name: 202.188.83.69

“Aku dahulu, kao payuk tangan ku kabalakang, talinya kao bai panjang. Lapas tu hujungnya yang sabuting kao migang. Mun ku nganggut kaang haatinya sudah tah kaaja ku bajumpa tu, kao pulang ngganti.” 

“Bah” uja Si Palui.

“Tapi” ujaa Si Engkek lagi 

“Tapi apa” 

“Macamani, jaan kao ahit makanan tu jan pamata tapi kao ikat longga longga saja, inda dapat kita kasai tu tuan putri tu, manyamal ya kaang”

Si Palui apa lagi mancahai tia jahuan. Diabinya batali tangsi tapi inda bapamata. Diikat Si Engkek ani dibainya batali panjang, hujungnya ia migang. Si Engkek pun tuun aah kuimbing atu tangannya kana payuk 

Nunggu tia aah suak nanti makanan Si Palui, datang Pinyaam, Pinyaam ditungapnya, datang Kalupis, Kalupis dibantainya, datang wajid, wajid diasaknya… hujung hujungannya abis bahata Si Palui. Tali yang Si Engkek pun angguk anggut tia pulang. 

“Ani tandanya Si Engkek sudah puas bajumpa puteri ni” kaunam Si Palui sawangnya. Ditaiknya Si Engkek kaatas. 

Sakali dilihatnya linyu bibie Si Engkek . Ani kaaja mu aaaa, uja Si Palui dalam hati. Nipu aku kao, kan makan Pinyaam ku nganya. Pike mu aku inda pandai jua kah. 

Bapadah tia aah Si Engkek, “aku pun kan bajumpa jua nih engkek, inda jua kao nganya yang kan siok” “Apa gayamu kan bajumpa?” “Sama jua macam gaya mu antai tu, payuk ku kabalakang, Pinyaam tu kao ikat jaan diahit aah pamata” 

“Bah”, uja Si Engkek. 

Dipayuk tah Si Palui kabalakang, sama tia Si Palui tuun ka suak Kakal tu kaunam sawangnya ai tuun ,ani kaaja mu antai engkek, abis jua pinyaaam kaang, bahau tia adil ujanya dalam hati.

Bah nunggu tia kan nungap piynyaamSi Palui pun inda bapike lagi, andang jua palui, taus ditungapnya Pinyaam yang datang. Inda ulahnya Si Engkek lain pulang caitanya. 

Diahitnya Pinyaam tu aah pamata, taahit bibie sI Palui, malangak kabangkalanan. Sudah tah macamatu tangan kana payuk tia pulang. Jadi dianggutnya tia tali, Si Engkek sudah mulih balgau lagu sanang hati. Ada kakal makanannya, kanyang lagi makan bahata Si Palui.

Abis

Usai pangabisan: February 27, 2001

SI ENGKEK JAN SI PALUI NGGATAH PAAK (jenaka)

Caitanya

Masaie kao nggatah Paak? 

Ani tah aku kan bapadah kan caita Si Engkek jan Si Palui nggatah Paak. Caita ani yang bana nya batah sudah ku tadangaa tapi inda ku ingat lagi siapa yang bacaita aah ku. Ada sakali tu gaya basia ni kana tuut di Bangsal mulanya lah, aingku balum ada.

From: halimb@tm.net.my

Category: Category 1

Remote Name: 202.188.83.69

Si Engkek jan Si Palui ni yang bananya bakawan. Masipun hagut kana buyuk ulih Si Engkek kakal jua Si Palui ni mbubut mbubut akan pasal atu nganya yang kan bakwan jan ia. Bakawan tapi yang bananya kadua dua basia ni miskin, tahu tah mulanya ni mana ada jutawan sagra macam kaangani.

Ada sahai tu sahai bulat sudah basia ni inda makan. Kabuloan tu nangkanya tahu jua dii asanya aii puasa. Jadi kan caita, mahunjaa tia kan dimakan. Sama balaknya nggatah tia basia tu Paak, Tahu jua kamu, baik asanya tu mun ditunu Paak tu. Buung Paak bah. Batah basia nggatah, sudah kia kia malamai dikit bahau tia luih tapi saikung nganya. Masalahnya, kan dimakan saikung Paak tu babahagi dua lapaa dai kalamai inda makan apa ulahnya kan cukup kan….

Si Engkek panjang akal. “Sini kao tinggal” ujanya aah Si Palui. “Jaan kao tuut ngacau nganya tu kaang kao tu” Di usainya bulu Paak tu. Mana yang bagatah dibabutnya. 

Mahaga tia umah Katua Kampung. Kuang labih lapas Asaa tu ainya sampai. Paak tu ditauhnya dalam baju. Bacaita tia ngalintong Katua Kampung ia kan balajaa nulis, kan jadi usai aah Katua Kampung. Sadang sadang baik caita dilapas akannya Paak tu dai balakang taabang tia dalam umah tu. 

Apa lagi, katua kampung pun pikenya buung masuk ka umah, masti makan makan tulak bala ni. Taus tia disuuhnya Si Engkek malagau Imam, bausah tia basia tu malam atu jua makan makan, Si Palui pun tuut migang hayam ai nyumbalih.

Kanyang lah basia malam atu, haakat tipu Si Engkek. Sudah mulih bacaita tia aah Si Palui tatawa basia takihik kihik sampai tido kakanyangan.

Isuk apa gayanya supaya inda kabuloan lagi? “Aku pulang nuut gayamu”, uja Si Palui ai basia kan tido. 

“Bah maaana saja” uja yang sawang ani. 

Isuknya nggatah tia basia luih lagi saikung kuang labih macam kalamai. Lagaan hantap kan nuut Si Engkek taus dibawanya sakali ani aah umah Imam tia pulang. Pandai jua Si Palui ni ngalintong, ta makan jua imam, ujanya kan balajaa alip baa ta, kan jadi oang baik. Paak ada tu dalam bajunya. Sampai masa di lapas akannya tia Paak atu. Malaa bunyinya tapi inda ada taabangnya. 

Inda ulahnya, inda ya takanang kan ngambili gatah yang lakat aah Paak tu. Jadi Paak tu kakal tia 

lakat aah tangannya. 

Apa lagi, dikit lagi Si Palui yang kana makan makan akan jadi aruah. Binjul mambinjul kana kaaja akan pasal kadapatan kan mbuyuk.

Abissssss

Usai pangabisan: February 27, 2001

ORANG PUTIH MASUK KAMPUNG (jenaka) - part 2

Tajuk: ORNG PUTIH MASUK KAMPUNG Part II
Dai: anonymous
Subject
Tahu tia Si Amat yang “you like it” tu haatinya kuang labih “ iski kah kao”….. Isuknya ngam pulang Si brown kan bajalan malawat lawat kampung .

Si Amat bawa boss nya ka kampung. Mun kan ka kampungnya tuk masti lalu aah jambatan gantung. Lalu aah jambatan gantung tu mana lah Si Brown tu biasa. Inggut inggut, jadi Si Brown pun linggaa paasaannya, macam kan paning. Si Amat inda tapaasaie.

Jadi batanya tia aah Si Brown

“Mr Brown, You like it?, lingga dikit ni”

Mr Brown pun njawab dalam bahasa kadayan, takut salah paham kaang Si Amat mun batutuan oang putih. “Amat, beringgout” S

i Amat ni pun sabitung jua, pikenya Si Brown iski bapadahkan “very good”.

Di inggutnya tah barabis jambatan.

atuuuuuuuuuuu!!!!

OANG PUTIH MASUK KAMPUNG (jenaka) Part 1

Tajuk: OANG PUTIH MASUK KAMPUNG Part 1
Dai: anonymous
Subject
Ada oang putih, kita damakan Si Brown. Ya bahao datang ka Miri. Stail jua ya tuk. Datang yak daie England. Boss la katakan, ada Mem lagi. Ada pulang bilunnya sandii.

Adatah oang gajinya Si Amat, oang kadayan.. Indak baapa pandai batutuan oang putih Si Amat ni. Tapi Si Amat ni bagas batanya, Si Brown pun kan ngambie hati, maklum tah bahao datang. Si Brown pun indak baapa pandai juak tutuan kadayan.Apa salah, biasa bah tu mun batah nanti sama sama pandai.

Jadi Si Amat pun iski kan masaie naik bilun. Bilun damit, jadi linggaa gayanya ndraib bilun sampai Si Amat paning.

Si Brown takidum kidum pikenya Si Amat iski. Batutuan tiak aah Si Amat… “Amat, you like it?”

“inda inda turoun kita Mr Brown” Pike Si Brown Si Amat nyuuh ya ba pusing dua roun lagi .

Kapisan Si Amat!

Kancil (jenaka One Liner)

Tajuk: KAITA KANCIL
Dai: kula
Subject

X: Aku inda mao mbali kaita Kancil … 
Y: Ngapa?
X: Inda boleh ngisi minyak di stesen Esso 
Y: Ngapa?
X: Sana ada haimau

Baubat (Jenaka)

Ada saoang laki laki, babini sudah. Antah apa kajadiannya, bangkak tia indah indahnya. Bangkak macam kana gigit jampias, cukup lagi jan sakit sakitnya.

Baapa hai sudah inda lagi ya tahan, ka kadai ubat tia mbali ubat.

Sampai di kadai amai dangan jua sana. Batanya tia damit damit aah yang njual ubat.

Uja yang njual ubat, “ OOO itu macam kaaa, gua kasi kao ini ubat sapu laaa…, jadi sampai lumah kao sapu ini macam la”

Tajuk: BAUBAT
Dai: halinb@tm.net.my
Subject

Tauke tu malihat akannya lah tunjuk kii nya nggaya nggaya akan, dipadah akan gayanya nyapu ubat tu macam atu dai atas ka bawah “Sapu summa kasi lata (apus apus sapu bai ataa ataa) ampat kali satu hali, lapas tiga hali itu macam misti baik, gelenti punya, suda lamai pakai ini ubat, banyak baik oooo kao tidak payah datang sini lagi”

Bah mulih tia laki laki ani ka umah. Di tuutnya nyapu macam ujaa tauke tu.

Lapas sahai ka sahai inda jua baik. Mbuyuk aku tauke , ujanya… kaang kao.

Sudah aai katiga inda lagi ya tahan, sakit lagi indah indah, sakit lagi hati, dibawa nya botol ubat, taus dihagaa nya kadai atu. Sampai sana taus dianggutnya baju tauke “Kao cakap itu hali tiga hali misti baik, tapi apa hal gua punya mikin bangkak”

 Kataa kataa tauke tu njawap “ Sabar bosss, ini ubat mimang baik punya”

“Abis, apa macam gua punya tidak bagus pun” “Apa macam lu pakai?”

“Saya ikut apa kao ajar laa, sampai suma saya punya tunjuk takulisi pasal itu ubat”

“Tunjuk??????” tauke tu hayan baabis. “Ngapa pulang tunjuk kao?”

Ya la, uja laki laki atu. Dilihat akannya lagi yang ia sudah tiga hai nyapu tunjuknya yang kakal linyu ulih ubat sapu ...

Abiss

Jenaka Politik ~One Liner

POLITIK

X: Ngapa oang politik kana damakan politician (sebut "politisin")?
Y: Luan iskikan usin

Tajuk:
Dai: kula
Subject

Jenaka Kedayan ~One Liner

KEDAYAN

X: Ngapa kita kana damakan kadayan?
Y: luan iski di kadai

Tajuk:
Dai: kula
Subject

Cerita Si-Jalurut: Stokin (jenaka)

Caitanya

Caitanya ani kisah saoang laki-laki yang banama si Jalurut.

Si Jalurut ani oangnya bakaaja tidur nganya diumah.Ia ani malas oangnya,apa yang mamanya nyuruh buat inda ia mau. Tapi,pasal bajaur nombo satu.

Satu lagi pasal si Jalurut ani,ia ni inda pandai manyasah pakaiannya sendii.Semua pakaiannya atu,mamanya manyasahkan.Asalkan mulih nganya daimana,dilompoknya pakaian atu dilantai.

Ada hari atu,kawannya mambawa ia bajalan-jalan ka beaufort.Ngam jua haii atu mamanya inda ada,taaus ia mandi capat-capat supaya mamanya inda tau ia tu bajaur takut mamanya kaang maah aahnya.Lapas ia mandi,diunjarnya bajunya yang baik-baik taus dipakainya.Sudah ia makai baju dangan salua,taus ia ngunjar stokin,

From: kembayau81@yahoo.com

Category: Category 1

Remote Name: 203.106.178.158

Di unjar-unjarnya stokin ani inda ia dapat.Inda tantu aah si Jalurut ani mangunjar stokinnya atu.Sudah batah atu,baru tia ia dapat stokinnya atu.Sudah ia makai stokin,lakas-lakas tia ia balusir mangaga kawannya yang batah sudah nunggu atu.

Sudah sampai di bopot,turun tia bisia taus manuju kakadai buliad main tah diorang.Salapas dioang bamain buliad,kawannya mambari tau"baik kita maliat dis di sana siing kadai game atu baru siok".Apalagi taus bisia ngaga aah kawannya mambaii tau tai.Musim bisia kan ka dis atu,tajumpa bisia bini-bini lawa.

Dioang bawa tah jua bini-bini atu maliat dis.Sudah sampai ka dis atu,milih tah bisia apa wayang yang kan diliat.Sudah dapat wayang kan bisia kan liat atu, taus bisia masuk kabilik yang disediakan untuk maliat wayang atu.Dalam bilik atu siuk pesennya,luan siuk banar taus si Jalurut dibukanya kasutnya.

Salapas si Jalurut mambuka kasutnya atu tacium tah bini-bini ani babau haring.

Nya bini-bini atu "inda kamu taciumkah bau haring bilik ani,tadi nada kan?"

Nya kawannya "ada tikus mati kali,cuba kamu unjar?"

Sudah bisia puas ngunjar inda pandai ada.

Taus kawannya mambari tau aah dioang"Cuba kamu liat tapak kasut kamu,baangkali ada tai kali kamu tainjak?"

Taus bisia maliat tapak kasut bisia."Inda ada jua yang tainjak bah"kawannya bari tau.

"Kurasa ada stokin yang babau kali bah".

Taus si Jalurut takajut,baangkali banar jua stokinnya babau kali.Kawannya maliat inda ada yang mambuka kasut kacuali si Jalurut.Taus bisia cium aahnya duduknya atu.Rupanya ia banar aahnya haing atu.Taus kawannya mambari tau yang stokin si Jalurut haring banar.

Salapas atu,lakas-lakas si Jalurut kaluar mambuka stokinnya yang haring atu.

Bila si Jalurut pikikan stokinnya atu,bau tah ia taingat stokinnya atu inda basasah salapas hari raya awal tahun ani.Salapas kajadian yang ia makai stokin yang inda basasah salapas raya atu,mula tia manyasah pakaiannya sandii dangan stokinnya yang haring atu.

Sekian.

Usai pangabisan: February 27, 2001

Jeti Sipitang perlu dibaiki

21 Jan, Sipitang; 

Mandau bahau tah mulih ni, dai pekan Sipitang. Bukan apa apa, ngambii anak buah ku yang mulih dai Labuan. Cuma ani aku kan batanya la apa bah status jeti ke Labuan tu. Apakah ia tu cuma bangunan haram, atau pun setinggan atau pun ehsan pengusaha bot semata mata?

Mun kamu bukan oang Sipitang, ani tah ku kan mbai tahu apa upanya jeti atu.

Lokasinya siing jambatan Sipitang yang terkenal atu. Mun Dai KK, tuun ka kanan parking kaita mu aah Medan parking Pejabat Ko Nelayan. Lapas parking, mana jetinya?

Kuising kuising taulih kiii kanan, ada sabuting jalan bakumpau. Macam jalan ke kabun duyan., nuut akan bibii bangunan Bangunan Kaajaan. Kuang labih 20 meter ukuran elektrik, ada tu jeti Ka Labuan saanap saanap sana. Sana tah jalan nunggu bot, mun inda baik nasip kana babalik tu ka tanjung Pagaa.

Soalnya, inda ada kah cara kan mbaiki lagi kedudukan jeti tu?

Sipalui - Baani kao mandau, kaang ada kaang yang kapisan mun kao ngomplin lagi

KOL

END

Selamat Hari Raya Aidil Fitri 2000

KOL Mengucapkan Selamat Hari Raya Aidil Fitri Dan Selamat Tahun baru 2001.

Kemaskini KOL yang akan datang hanya akan dibuat pada 5.1.01 kerana Webmaster mulih ke kampong. Aah ku alum ada letrik jamu!

Ani kad kiiman dai Siengkek jan Sipalui kan kamu samuha....bergembira

AKAR, kan ka mana kao ni?

5 Dis,Kota Kinabalu;

Mikin kami tiga oang ni kan bapike kan ka mana tuju paati AKAR ni kian? Ikuti apa yang ditutuankan oleh siengkek, mandau jan sipalui bila basia ngalimut pasal AKAR

Mandau: 

26 Nov dalam paasidangan paati pawakilan bapadah picaya tia basia kan presiden , YB DAtuk Pandikar yang umpunya tahu kan njadi akan AKAR ani apa upanya

28 Nov YB Datuk Jeffrey bapadah--mun kan masuk, masuk tah oang AKAR ni aah PBRS

Inda batah lapas atu, YB Tan Sri Dompok mula tia ngail, ... banyak oang AKAR ulihnya

Engkek:

Paasaan ku presidennya tu andang kan masuk UMNO ni. Baik jua. AKAR ni yang banaanya andang inda kuat dai mulanya. Inda pasti yang semangat awal AKAR diwarisi oleh Datuk Pandikar, tapi yang ku tahu, Datuk  Mark Koding mengasaskan AKAR jaan taasnya hatred politic! test power jan PBS biani.

Sipalui:

Baiktah masuk UMNO! Datuk Pandikar kan ada karisma dikit. Karisma tu mun kan tahu, atu tah kakuangan yang patut di tampal tampal akan aah umno kaangani ani. Mun nganya mbai usin ai kan pilihanraya supaya dangan ngundi, dausah tah. Mahat pun ku luih usin jua.

KOL 

END

Copyright © 2000 PAADIANinc. Send mail to PAADIANinc with questions or comments about this web site.

Kongress PBS hangat!

21 Nov 2000, Kota Kinabalu; Kongres PBS Ke 15 di Hongkod Koisaan berjalan dengan suasana hangat apabila Ketua Bahagian Moyog Yang juga merupakan ADUN Moyog, YB Datuk  Clarence B. Malakun menyuarakan kekesalan beliau mengenai kad keahlian lebih 6000 ahli ahli parti di kawasan beliau yang belum dikeluarkan sehingga sekarang. 

Selain daripada itu beliau juga mempersoalkan keengganan pucuk pimpinan parti untuk bekerjasama dengan parti Bersekutu di dalam pilihanraya lepas, sehingga menjejaskan peluang untuk PBS berkuasa semula di negeri ini.

Sementara itu di dalam majlis yang sama Presiden Parti, YB Datuk Pairin menerangkan bahawa PBS tidak menerima pelawaan Bersekutu kerana sangsi dengan kejujuran parti berkenaan untuk berkerjasama dengan PBS. Beliau menambah, terdapat beberapa insiden yang menunjukkan bahawa ada kemungkinan Bersekutu dijadikan alat oleh BN untuk menjayakan matlamat politik mereka.

Kalangan pemerhati berpendapat teguran oleh Datuk Malakun ini adalah yang paling keras seumpamanya pernah disuarakan oleh ahli parti, apatah lagi kedudukan Datuk Pairin selama ini sebagai Huguan Siou masyarakat Kadazandusun.

Kongres kali ini memperlihatkan dua perkembangan lain, iaitu pengunduran Tengku Ariah Tengku Ahmad dari pucuk pimpinan Parti dan penampilan Sdr Aliudin, seorang bumiputera Islam untuk menerajui pergerakan pemuda parti berkenaan.

Engkek - payah tu, mun alah maahkan bersekutu

Sipalui- auuu; balik balik maahkan si hais

Copyright © 2000 PAADIANinc. Send mail to PAADIANinc with questions or comments about this web site.

EPF; Mesti mbali kompiutaa dai Pejabat Pos

13 Nov 2000, Kuala Lumpur; Timbalan Menteri Kewangan, YB Chan Kong Chong bapadah mulai 15 Nov ani samuha oang yang kan mbali kompiutaa makai usin EPF masti mbali kompiutaa dai Pejabat Pos.

Uja liau atu, ani pasal banyak yang nipu mun mbali dai kompiutaa dai kadai biasa. 

Engkek- Bukan jua apa yang banaanya mun kan nipu ada tia nganya gaya tu liau...

Sipalui-Au, yang paalu jua dilihat haaga kompiutaa dipajabat pos tu masti satanding jan yang dibali di luaa, jaan pulang asal nyukup akan haaga RM3,500.00. Mun kamu bahau kan mbali, ingati saja, kuang kuang nya memori masti 64 MB RAM, processornya Pentium III 700Mhz , Hard disk kaangani 15GB ka atas. ingati tu, haaganya kakal kuang dai RM3000.00 Mun labih, masipun dipajabat pos, jaan dibali. Mun inda baapa paham, tanyaakan aah kami di KOL.

END

Copyright © 2000 PAADIANinc. Send mail to PAADIANinc with questions or comments about this web site.

Apa yang orang kampung mahu dari Belanjawan? -Mangkutut@hotmail.com

Pasal belanjawan tahu ani inda ada gunanya nih pasaaanku baik pulang inda ada.Mahat lagi baik bausin jua. Bah atu nganya pendapatku, malas tah ku labih- labih kaang ada yang pasaan pulang. 

Aku ani bukannya oaang politik... apa? istilah uang politik uang atas pagaaar. Tapi aku ani bukan lagi atas pagaaaar nih pasaaan ku ,uang atas bubungan sebabnya inda masaai ngundi tapi, bila kena baai usin ngambil bah ku. 

Bah liau atu nganya aku ani bukan uang pandai hantap betutuan apatah lagi bepolitik, baik pulang kita majukan bangsa kita ani KEDAYAN ada jua faedahnya. Bah atu nganya. Hidup 

KEDAYAN...........MAJU KEDAYAN!

END

Sipalui- hantam ti liau, asal sanang hati!

Laman Jenaka Engkek Dan Si-Palui

Bagi yang inginkan bacaan ringan, laman 

http://geocities.com/engkekjansipalui

tentu menjadi pilihan.

More Jokes, Please

OTHER KEDAYAN JOKES

ONLINE JOKES

We have some classic jokes here. We do not want to insult anybody here. Therefore whatever jokes appeared in this web is in fact  circulating within Kedayan community for years. If you have one other than above, please send it to webmaster via email.

JOKES FROM READERS