5 Oktober 2000, Sipitang. Gempar!!! berita terkini!!!. Inda sangka sangka, tibadak jadi nangka. Habaa nya 1 Oktober 2000 Pergerakan Pemuda UMNO Sipitang malancaa ( sakali lagi ... malancaaaa...........!) kan laman web nya yang canggih manggih. .. Tahniah. Yang paling siok tu habaa nya lagi, Pemuda UMNO Sipitang atu tah yang mula mula ba laman web di saluruh naagi sabah ani. Dabal tahniah tu...
Ada lagi sabuting yang hibat. Ada lagi habaa sabuting. 14hb Oktober 2000 Sipitang kan ba laman web tia jua. Lagi tah tahniah. Mun dilawat, latup latup bunyinya makai macromedia flash. Bukan calang calang tu tetamu kehormat yang diundang, YB Datuk Amar Leo Moggie, Menteri Tenaga, Kommunikasi dan Multimedia. Syabas Sipitang. Ada lagi program internet desa (- macam desa wawasan tah tu mangkali)
Siok ni. Ba laman web kita. Satu perkembangan yang amat membanggakan. Jaan jadi macam dua tiga oang jalama yang inda tia pandai nukaa pikian dai batakiding. Ujaa dangan, mun iski nuut... jaan ngucapi , ngutuk yang inda ba salasai. Sadangkan nguik hidung pun pandai sangal, baasin pun pandai baanti..., apa lagi kita kan... dai bakalahi, baiktah balaman web. Hidup sipitang.
Apa lagi sudah ada program internte desa. Lapas ani jaan hayan, laman web Sindumin kaluaa, lapas tu Malamam, Long pasia, Ulu Bole, Ganui, Paya basaa, laman web mangalong, atu bahau dikit tu. Bangsal lagi , Kawang alum masuk...
Lapas ani dapat tah samuha kita bapadahkan kemajuan, pembangunan politik dan ekonomi yang hantap sandi di Sipitang ani. Sipitang bulih bah ni jadi bandaraya inda batah lagi. Cuba pike, mun kia panduduk, campo oang tampatan jan pandatang, bulih bulih jua mangkali masipun inda sampai ka angka 100,000 (syarat pertama bandaraya). Unibesiti... aah bulih buat bah tu bukan susah. Lapas atu kamudahan ngangkut uas dapat dibuat sampai ka Maligan. Ah..bulih bah tu.
END
Sipalui
No comments:
Post a Comment