27 Oktober 2000, Sipitang. Habaanya ai lima ani belanjawan bahau kan kana bantang akan. Sang Mandau inda lah bamaksud kan mbuat analisis yang canggih canggih pasal unjuran apa dan ka mana arah belanjawan tahun hadapan. Banyak sudah yang mbuat… mbali tah newspaper . Yang kan ku bincangkan sakali ani ialah dai kaca mata oang kampung, yang njadi tunggak bilang kali ngundi. Mun kao bincang pasal unjuran fiskal inda basia tahu haatinya.
Tapi, apa apa hal pun, harapan basia tu sakali ani ada tujuh, atu pun dai jalam yang ku tajumpa jua nganya, yang inda ku tajumpa inda pulang basia bapadah.
1, Haaga Sigup
Mun dapat tahun ani dausah tah naik lagi. Payah jua mun naik bilang tahun. Pasal, pandapat kami, yang banaa nya paintah bukan kan mahaam akan bah sigup ni tapi labih batujuan kan ndidik kami supaya jaan basigup. Banaa tu. Basigup tu inda baapa baik. Tapi kami ai kami nunggu duyan, sama ai mahat baik asanya bah sigup ani. Tambah lagi ai hujan, bakain palikat…. Puhhhh siok jua di isap kan kaaja. Masalahnya mun haaga sigup naik, sigup yang kana jual palipin, antah saludup pakah… makin laku, pasal lagi banyak yang mbali. Haaganya muah lagi tu. Lagi sabuting. Tahu jua kamu mun sudah basigup tu payah bah kan baanti. Jadi mun haaganya makin mahal, kami tapaka mbali sigup muah. Angkat talagi bahayanya tu.
2. Tarif Elektrik
habaa nya kami Di Sabah mbai bil letrik mahal dikit dai kawan kami di Semannjung. Antah apa sababnya tu, tapi mun dapa kuang kuang akan dih ulih kamu
3. Bil telefon bimbit
Mun di KK kah di mana kah hantap makin amai yang batelefon bimbit ani. Kanak kanak sikulah pun banyak yang batelefon. Kami pun yang bananya paalu jua kan talipun ani. Ai mahat kah, ai nunggu kabun kah… mana tahu ada ulaa kan haimau kah, dapat jua nalupon minta tulung. Jadi ani pun dapat kianya di muahakan siwanya tu.
4. Aing
Aah kami Di Sipitang, batah lagi ai nya inda balaing dai ai nya balaing. Jadi paintah dapat pakah nyingkie akan dikit usia ai balanjawan bahau ani supaya mbasai logi penapis aing kah atau mbasai paipnya kah…mun ada baik jua tu.
5. Jalanraya
Bana jalanraya makin baik. Yang kan kami padah akan tu jalan di kampung kampung. Lima tahun sudah jalan tu kana tar, tapi mun suda nya balubang kana biaa akan tia nganya macam atu. Macam di Pataikan, Luagan, Pantai, tanjung Nipis, Ka banting alum tia.
6. Rumah
Ani pasal anak anak kami di KK sikapnya minta tulung kan mbaai diposit mbali umah. Ida dapat di kuang kuang akan lagi kah sagala diposit mbali umah tu yang sampai ba balas ibu?
7. Yuran sikolah
Anak kami mun ka sikulah kaangani kuang kuang pun kan minta 4 , 5 ibu satahun. Tulung ulih kamu dih supaya biasiswa tu di mudah mudah akan.
Atu nganya.
Mandau
END
No comments:
Post a Comment