Manja Lela atau Chanai Lela? - Aaron Bonafides

Aku indakan ba:tutu:an banyak-banyak a:i ani ngaya kan ba:tanya yang manakah satu lu:us, Puteri Manja Lela atau Puteri Chanai Lela yang ba:kahwin dangan Sultan Ba:unai atu. 

Dalam forum atu da:i 'biik biik' ada ditulis manganai asal usul u:ang Kedayan ani. Uja:nya, kita ani ba:katu:unan pengikut Puteri Manja Lela tatapi da:i sabuah buk yang ma:asai ku baca, iaitu buk'sarawak information jurnal' ditulis bahawa u:ang Kedayan ani adalah katu:unan pangikut Puteri Jawa Chanai Lela. '.......orang Kedayan adalah salah satu masyarakat Sarawak yang istimewa di mana mereka adalah dipercayai keturunan pengiring puteri Jawa- Chanai Lela yang berkahwin dengan Sultan Brunei.'

Manganai istilah kedayan andangnya ba:maksud 'pengiring orang-orang besar' jadi ba:dasa:kan istilah atu andang dapat di katakan kita ani ukannya ba:katu:unan hamba. 

Atu ba:dasa:kan bahasa istana Melaka. Kalau kita malihat asal usul kita ba:dasa:kan sumba: atu, kita pun dapat mangakun kita anik u;ang bangsawan. Mangapa? Sabab dalam bahasa istana Melaka banyak istilah kedayan adalah bahasa istana. Umpamanya bisai, tandak, alai, dangan(hamba) dsb. 

Tapi layakkah kita ngakun kita u:ang bangsawan?

Lagi satu amun dilihat da:i bahasa kita layak ba:gala: melayu sabab banyak bahasa kitak adalah bahasa melayu lama. Misalnya...hambalang( dalam tulisan batu bersurat Terengganu tertulis perkataan 'hambaling' yang bermaksud lontar atau baling. Pa:kataan lain macam 'tuha''samuha'dsb. Adakah kita layak ngakun di:i melayu?

Pa:soalannya, amun kitak bana:-bana: da:i Majapahit ngapa nama, bahasa, adat sama dangan Ba:unai?

Inda banyak babida. Apakah kitak diasimilasikan ulih u:ang Ba:unai?

Mangkali juak kitak ani ukannya ba:asl da:i Majapahit tatapi da:i Sumata:a. Banyak pa:samaan dianta:a bahasa Kedayan dangan Minangkabau. Bizanya u:ang Minang 'r' inda hilang. 

Kalau kitak banyak hu:up 'a' bisia banyak makai hu:up 'o'. Bana:'bona', labih 'lobih', ka:bau 'kabau', dsb.

Walaubagaimanapun siapalah aku ani kan mamba:i pandapat. Ngaya aku ani sayang kan bangsa ku sandi:i. Ta:ima kasih.

Aron Bonafides.

Miri.

Sipalui- Ehh Aron Jaan manyamal ihhh mun kao baanti inda tia siok

Engkek- Kemungkinan kedua dua sumber ni pun betul, Cuma Biik biik tu mangkali ada silap. Menurut Sumber Ketua rombongan tu bernama Tun Manda Lela, tapi puterinya inda pulang kana sabut. Jadi Chanai lela tu puterinya tah tu bah!

END